Bizkaiko lehen hiribildua den Balmasedatik abiatzen da ibilbidea, eta Enkarterriko alderdi biak erakusten dizkigu: Erdi Aroko hiribildua, bere aparteko ondarearekin eta ia mila urteko historiarekin, eta naturaren oparotasuna, Artzentaleserainoko bidean agertuko zaiguna, tontorren eta haranean artean aurrera egiten dugun heinean. Kolitza lagun izango dugu momentu oro. 879 metroko garaiera du mendiak, eliza erromaniko batek koroatuta, eta inguruetako haranen 360 graduko ikuspegi panoramiko harrigarria eskaintzen digu. Bizkaiako bost deiadar mendietako bat da, tontorrean sua piztu eta turuta jotzen baitzen Bizkaiko Batzar Nagusietara deitzeko. Beraz, Enkarterriko edertasunaz gozatzeaz gain, haren historiaz jabetzeko aukera izango dugu ibilbide honetan.
Maiatzaren 31tik ekainaren 27ra.